जळगाव – शहर महानगरपालिकेच्या सार्वत्रिक निवडणुकीसाठी आज मतदान प्रक्रिया पार पडत आहे. लोकशाहीतील सर्वात महत्त्वाचा अधिकार म्हणजे मतदानाचा हक्क, आणि नागरिकांनी आपल्या प्रभागातील सक्षम उमेदवार निवडण्यासाठी हा हक्क बजावणे अत्यावश्यक आहे. महापालिकेने मतदारांना आवाहन केले आहे की, प्रत्येकाने मतदान करून लोकशाही मजबूत करावी.
मतदार जनजागृतीसाठी विशेष हेल्पलाइन सुरू करण्यात आली असून वॉर्डनिहाय मतदान केंद्र शोधण्यासाठी लिंक अपडेट केली आहे. नागरिकांनी 912573556516 या व्हॉट्सअॅप क्रमांकावर Hi असा मेसेज पाठवावा. त्यानंतर योग्य पर्याय निवडून जळगाव शहर महानगरपालिका सार्वत्रिक निवडणुकीसंबंधी आवश्यक माहिती सहज मिळवता येईल. या उपक्रमामुळे मतदारांना मतदान केंद्र शोधणे सोपे झाले असून मतदान प्रक्रियेत अधिकाधिक सहभाग नोंदविण्यासाठी ही सुविधा उपयुक्त ठरत आहे.
महापालिकेने स्पष्ट केले आहे की मतदान हा केवळ अधिकार नसून जबाबदारीही आहे. नागरिकांनी आपल्या प्रभागातील विकास, सुविधा आणि पारदर्शक प्रशासनासाठी सक्षम उमेदवाराची निवड करणे गरजेचे आहे. प्रत्येक मत महत्वाचे असून ते शहराच्या भविष्यास दिशा देणारे ठरते.
आजच्या मतदान प्रक्रियेत नागरिकांनी उत्साहाने सहभागी व्हावे, अशी अपेक्षा व्यक्त करण्यात आली आहे. मतदान केंद्रावर जाऊन आपला मौल्यवान मताधिकार बजावणे हीच खरी लोकशाहीची ताकद आहे. जळगावकरांनी एकजुटीने मतदान करून लोकशाहीचा उत्सव साजरा करावा, असे आवाहन महापालिकेने केले आहे.
Author: K P Chavan
thepubliclive
