नवी दिल्ली : वृत्तसंस्था
देशातील शेतकऱ्यांसाठी एक महत्वाची बातमी समोर आली आहे. केंद्र सरकारच्या कृषी व शेतकरी कल्याण मंत्रालय महाराष्ट्र शासन आणि पीएसबी अलायन्स यांच्यातील त्रिपक्षीय करारामुळे अकोला जिल्ह्यातील शेतकऱ्यांना आता घरबसल्या किसान क्रेडिट कार्ड (KCC) आणि पीक कर्ज मिळणार आहे. जनसमर्थ पोर्टलद्वारे राबवली जाणारी ही विशेष मोहीम 31 ऑगस्ट 2025 पर्यंत सुरू राहील. डिजिटल आणि कागदपत्रविरहित प्रणालीमुळे शेतकऱ्यांना बँकांच्या फेऱ्या आणि कागदपत्रांच्या जटिल प्रक्रियांपासून मुक्ती मिळणार आहे.
अर्ज कसा करावा?
नोंदणी : www.jansamarth.in वर मोबाइल क्रमांकाने लॉगिन करा.
पर्याय निवडा : ‘Agri Loan – Kisan Credit Card’ पर्याय निवडा.
ई-केवायसी : अकोला जिल्हा आणि आधार क्रमांक टाकून ई-केवायसी पूर्ण करा.
तपशील भरा : वैयक्तिक, बँक, आर्थिक आणि जमिनीचे तपशील अचूक भरा.
अर्ज सादर : सर्व माहिती तपासून अर्ज सबमिट करा.
पात्र शेतकऱ्यांना शासन आणि बँकांच्या निकषांनुसार त्वरित कर्ज मंजुरी मिळेल.
आवश्यक अटी
आधार क्रमांक मोबाइलशी लिंक असावा.
शेतकरी अॅग्रिस्टॅक (Farm Registry) मध्ये नोंदणीकृत असावा.
सध्या ही सुविधा स्वतःच्या नावावर जमीन असलेल्या शेतकऱ्यांसाठीच आहे.
शेतकऱ्यांचे फायदे
वेळेची बचत : बँकांच्या चकरांपासून सुटका.
पारदर्शक प्रक्रिया : अर्जापासून मंजुरीपर्यंत सर्व माहिती मोबाइलवर.
जलद कर्ज : कागदपत्रविरहित डिजिटल प्रणालीमुळे त्वरित मंजुरी.
खरीप हंगामासाठी निधी : वेळेत आर्थिक पाठबळ मिळेल.
आवश्यक कागदपत्रे
आधार कार्ड (मोबाइलशी लिंक).
जमिनीचे दस्तऐवज (7/12 उतारा).
बँक खाते तपशील.
बँकेच्या निकषांनुसार इतर कागदपत्रे.
शेतकऱ्यांना काय होणार फायदा
या उपक्रमामुळे शेतकऱ्यांना कर्ज मिळवण्यासाठी वेळेची बचत होईल, बँकांच्या चकरा टाळल्या जातील आणि प्रक्रिया पूर्णपणे पारदर्शक राहील. शिवाय, डिजिटल प्रणालीमुळे अर्ज, तपासणी व मंजुरीची सर्व माहिती शेतकऱ्यांना थेट मोबाईलवर मिळणार आहे.
केंद्र आणि राज्य सरकारच्या या संयुक्त प्रयत्नामुळे शेतकऱ्यांना पीक कर्ज सहज आणि लवकर मिळणार आहे. पारदर्शक व कागदपत्रविरहित प्रणालीमुळे शेतकऱ्यांचा आत्मविश्वास वाढेल आणि खरीप हंगामासाठी निधी वेळेत उपलब्ध होईल. अकोला जिल्ह्यात सुरू झालेली ही मोहीम यशस्वी ठरल्यास पुढील काळात राज्यभर विस्तारली जाण्याची शक्यता आहे.
