जळगाव : प्रतिनिधी
शहरातील पिंप्राळा परिसरातील शंकरअप्पा नगर येथील घरात सर्व सदस्य असताना वरच्या मजल्यावर जाऊन सुनीता प्रदीप पाटील (३८) यांनी गळफास घेतला. उपचार सुरू असताना त्यांचा मृत्यू झाला. ही घटना मंगळवारी (३ जून) संध्याकाळी घडली. आजाराला कंटाळून त्यांनी गळफास घेतल्याचे नातेवाईकांचे म्हणणे आहे.
सविस्तर वृत्त असे कि, घरात खालच्या खोलीमध्ये सर्व सदस्य असताना सुनीता पाटील वरील मजल्यावरील खोलीत गेल्या. तेथे त्यांनी गळफास घेतला. त्यांना शासकीय वैद्यकीय महाविद्यालय व रुग्णालयात दाखल करण्यात आले. उपचार सुरू असताना त्यांचा मृत्यू झाला. मयताच्या पश्चात पती, एक मुलगी, एक मुलगा असा परिवार आहे. रामानंद नगर पोलिस ठाण्यात नोंद करण्यात आली आहे.
