मुंबई : वृत्तसंस्था
राज्यातील मुंबईतील मालाड परिसरात घडलेल्या एका अत्यंत धक्कादायक घटनेने पुन्हा एकदा शाळांमधील मुलांच्या सुरक्षिततेवर गंभीर प्रश्नचिन्ह उभे केले आहे. बदलापूरमधील प्रकरणाची आठवण करून देणाऱ्या या घटनेत, एका नामांकित शाळेत पाच वर्षांच्या चिमुकलीशी शाळेतील शिपायाने गैरवर्तन केल्याचा गंभीर आरोप समोर आला आहे. या घटनेनंतर परिसरात संतापाची लाट उसळली असून, पालकांमध्ये भीतीचे वातावरण निर्माण झाले आहे. शाळेसारख्या सुरक्षित मानल्या जाणाऱ्या ठिकाणी अशा प्रकारची घटना घडणे अत्यंत धक्कादायक असल्याची भावना नागरिक व्यक्त करत आहेत.
मिळालेल्या माहितीनुसार, आरोपी शिपायाने अल्पवयीन मुलीला जीवे मारण्याची धमकी देत तिच्याशी गैरकृत्य केल्याचा आरोप आहे. हा प्रकार उघडकीस येताच पालकांनी तात्काळ शाळा प्रशासनाकडे धाव घेत तक्रार केली. मात्र, आरोपीबाबत स्पष्ट माहिती देण्याऐवजी शाळा प्रशासनाने टाळाटाळ केल्याचा आरोप पालकांनी केला आहे. यामुळे संशय अधिक गडद झाला असून, प्रशासनाच्या भूमिकेवर प्रश्न उपस्थित केले जात आहेत.
इतक्यावरच हा प्रकार थांबला नाही. पालकांच्या आरोपानुसार, शाळेच्या बदनामीचा मुद्दा पुढे करत प्रकरण बाहेर जाऊ नये यासाठी शाळेच्या सीईओने मुलीच्या पालकांवर दबाव टाकण्याचा प्रयत्न केला. तक्रार मागे घ्यावी, प्रकरण शांततेत मिटवावे, अशी दमदाटी केल्याचा आरोपही पालकांनी केला आहे. या प्रकारामुळे शाळा प्रशासनावर नागरिकांचा रोष अधिक तीव्र झाला आहे.
अखेर मुलीच्या पालकांनी दिलेल्या तक्रारीनंतर मालाड पोलिसांनी कारवाई करत शाळेचा शिपाई अनिल पांचाळ (वय ३०) आणि शाळेचे सीईओ अनंत यज्ञीक (वय ६५) यांच्याविरोधात गुन्हा दाखल केला आहे. पोलिसांनी भारतीय न्याय संहिता 2023 अंतर्गत कलम 74, 351(2) तसेच बालकांचे लैंगिक अपराधांपासून संरक्षण अधिनियम (POCSO) 2012 मधील कलम 10, 17 आणि 21(2) अन्वये गुन्हा नोंदवला आहे. या गंभीर कलमांखाली तपास सुरू असून, दोषींवर कठोर कारवाई केली जाईल, असे पोलिसांनी स्पष्ट केले आहे.
या घटनेनंतर मालाड परिसरातील पालक, स्थानिक नागरिक आणि सामाजिक संघटनांनी शाळा प्रशासनाविरोधात संताप व्यक्त केला आहे. शाळांमध्ये मुलांच्या सुरक्षिततेसाठी नेमकी काय व्यवस्था आहे, सीसीटीव्ही, कर्मचारी पडताळणी आणि देखरेख यंत्रणा कितपत प्रभावी आहेत, असे प्रश्न उपस्थित होत आहेत. ‘शाळा म्हणजे सुरक्षित जागा’ हा विश्वास हादरल्याची भावना पालकांकडून व्यक्त केली जात आहे.
Author: K P chavan
jin88bet.one ak168app.baby ak168app.club ks168app.site ic88 ic88 ic88 ic88 lr88 lr88 lr88 lr88 op88 si88 88v SEXXXXX-VN
