जळगाव : प्रतिनिधी
शनिपेठ पोलिसांनी धडाकेबाज कारवाई करत मोटारसायकल चोरीचा गुन्हा उघडकीस आणला असून, आरोपीला अटक करत चोरीस गेलेली बजाज पल्सर N160 ही मोटारसायकल भुसावळ येथून जप्त करण्यात आली आहे.
मिळालेल्या माहितीनुसार, दिनांक 14 ऑगस्ट 2025 रोजी शनिपेठ पोलीस स्टेशन येथे मोटारसायकल चोरीचा गुन्हा नोंदवण्यात आला होता. फिर्यादीने दिलेल्या माहितीनुसार, अज्ञात चोरट्याने त्यांची बजाज पल्सर N160 ही दुचाकी चोरून नेली होती. गुन्ह्याचा तपास पोलीस नाईक श्रीमती कावेरी कमलाकर यांच्या मार्गदर्शनाखाली पोहेकॉ प्रदीप नन्नवरे यांच्या नेतृत्वात सुरू होता. गुन्हे शोध पथकातील पोहेकॉ शशिकांत पाटील, पो. अं. निलेश घुगे, रविंद्र तायडे, पराग दुसाने, अमोल वंजारी व गणेश ढाकणे या कर्मचाऱ्यांनी तपास अधिक वेगाने राबवला. तपासादरम्यान मिळालेल्या गोपनीय माहितीनुसार, संशयित आरोपी भुसावळ शहरातील पापानगर, ईराणी मोहल्ला येथे वास्तव्यास असल्याचे निष्पन्न झाले.
त्यानुसार तपास पथक भुसावळला रवाना झाले व बाजारपेठ पोलीस स्टेशनशी पत्रव्यवहार करून स्थानिक पोलिसांची मदत घेतली. बाजारपेठ पोलीस स्टेशनचे पोलीस निरीक्षक श्री. राहुल वाघ यांच्या मार्गदर्शनाखाली पोहेकॉ रवी नेरकर, पो. अं. प्रशांत सोनार, सचिन चौधरी यांच्या मदतीने संशयित आरोपीला ताब्यात घेण्यात आले. आरोपीकडून चोरीस गेलेली बजाज पल्सर N160 मोटारसायकल हस्तगत करण्यात आली असून, पुढील तपास सुरू आहे. शनिपेठ पोलीस स्टेशनच्या या जलद व प्रभावी कारवाईचे सर्वत्र कौतुक होत आहे.
Author: K P chavan
jin88bet.one ak168app.baby ak168app.club ks168app.site ic88 ic88 ic88 ic88 lr88 lr88 lr88 lr88 op88 si88 88v SEXXXXX-VN
