मुंबई : वृत्तसंस्था
विनोबा भावे पोलिस ठाण्याच्या हद्दीत 25 नोव्हेंबरच्या मध्यरात्री वाढदिवसाच्या नावाखाली एका 21 वर्षीय तरुणावर झालेला जीवघेणा हल्ला उघडकीस आला आहे. परिचित पाच जणांनी वाढदिवसाच्या बहाण्याने बोलावून अब्दुल रहमान याच्यावर पेट्रोल ओतून आग लावल्याची धक्कादायक घटना समोर आली असून परिसरात मोठी खळबळ उडाली आहे.
मिळालेल्या माहितीनुसार, मध्यरात्री बरोबर बारा वाजता पाचही आरोपींनी “वाढदिवस साजरा करायचा” म्हणून अब्दुलला खाली बोलावले. सुरुवातीला केक कटिंगदरम्यान मजा-मस्करी चालू होती. मात्र काही सेकंदांतच परिस्थितीने हिंसक वळण घेतले. आरोपींनी अब्दुलवर अंडी व दगड फेकण्यास सुरुवात केली आणि नंतर स्कूटीतील पेट्रोलसारखा ज्वलनशील पदार्थ काढून अब्दुलच्या अंगावर ओतल्याचे तपासात स्पष्ट झाले. हल्ल्यानंतर आरोपींपैकी एका जणाने पेट्रोल ओतलेल्या अब्दुलला आग लावली. क्षणार्धात त्याच्या अंगावर ज्वाळा भडकल्या आणि तो धगधगत मदतीसाठी ओरडू लागला. हा संपूर्ण भयावह प्रकार जवळच्या सीसीटीव्ही कॅमेऱ्यात कैद झाला आहे. फुटेजमध्ये अब्दुल जळत्या अवस्थेत धावताना आणि शेजारील नागरिक त्याला वाचवण्याचा प्रयत्न करताना स्पष्ट दिसत आहे.
सुदैवाने, वेळीच मिळालेल्या मदतीमुळे अब्दुलचे प्राण वाचले. त्याला तातडीने रुग्णालयात दाखल करण्यात आले असून गंभीर भाजल्यामुळे त्याच्यावर उपचार सुरू आहेत. या हल्ल्याबाबत अब्दुलच्या भावाने दिलेल्या तक्रारीनंतर पोलिसांनी गुन्हा नोंदवला आहे. आरोपी सर्व ओळखीचे असल्याने त्यांच्यातील वाद, मत्सर किंवा इतर कोणता हेतू होता का, याचा पोलिसांकडून तपास सुरू आहे. पोलिसांनी या प्रकाराला “अमानुष आणि अस्वीकार्य” म्हणत कठोर कारवाईचे संकेत दिले आहेत. आरोपींचा शोध घेण्यासाठी विशेष पथकाची नियुक्ती करण्यात आली असून सीसीटीव्ही फुटेज पोलिसांच्या ताब्यात आहे. या घटनेनंतर परिसरातील नागरिकांमध्ये भीतीचे वातावरण पसरले असून आरोपींना तत्काळ अटक करून कडक शिक्षा देण्याची मागणी जोमाने होत आहे. वाढदिवसासारखा आनंदाचा दिवस जीवघेणा ठरल्याने सर्वच स्तरांतून संताप व्यक्त केला जात आहे.
Author: K P chavan
jin88bet.one ak168app.baby ak168app.club ks168app.site ic88 ic88 ic88 ic88 lr88 lr88 lr88 lr88 op88 si88 88v SEXXXXX-VN
