जळगाव : प्रतिनिधी
गेल्या काही महिन्यांपासून जळगाव शहरात सातत्याने घडत असलेल्या घरफोडीच्या घटनांमुळे नागरिकांमध्ये भीतीचे वातावरण निर्माण झाले होते. अखेर जळगाव स्थानिक गुन्हे शाखेच्या (एलसीबी) पथकाने मोठी कारवाई करत एका आंतरराज्यीय अट्टल चोरट्याला अटक करून शहरातील वाढत्या चोरीच्या घटनांना आळा घालण्याच्या दिशेने महत्त्वपूर्ण यश मिळवले आहे.
जळगाव शहरात वाढलेल्या घरफोडी चोरीच्या घटनांच्या पार्श्वभूमीवर पोलीस अधीक्षक डॉ. महेश्वर रेड्डी व अपर पोलीस अधीक्षक अशोक नखाते यांनी स्थानिक गुन्हे शाखेला विशेष तपासाचे आदेश दिले होते. त्यानुसार एलसीबीचे पोलीस निरीक्षक राहुल गायकवाड यांच्या नेतृत्वाखाली विशेष पथक तयार करण्यात आले. या पथकाने तांत्रिक विश्लेषण तसेच सीसीटीव्ही फुटेजच्या आधारे तपास करत मध्यप्रदेशातील धार जिल्ह्यातील कुक्षी तालुक्यातील रहिवासी रमेश भुरूसिंग अनारे (वय २७) या आंतरराज्यीय अट्टल गुन्हेगाराला ताब्यात घेतले.
चौकशीदरम्यान आरोपी रमेश अनारे याने जळगाव एमआयडीसी पोलीस स्टेशन हद्दीत घडलेल्या चार घरफोडीच्या गुन्ह्यांची कबुली दिली. तसेच या चोरीच्या घटनांमध्ये मध्यप्रदेशातील त्याचे पाच साथीदार – कुंद्या डावरीया, बरदान देवका, कालु डावरीया, राहुल डावरीया आणि सुनील परमाती – सहभागी असल्याची माहितीही त्याने दिली आहे. आरोपी रमेश अनारे याला पुढील कारवाईसाठी एमआयडीसी पोलीस स्टेशनच्या ताब्यात देण्यात आले असून पोलीस उपनिरीक्षक चंद्रकांत धनके पुढील तपास करत आहेत. पोलिसांच्या या कारवाईमुळे जळगाव शहरातील घरफोडीच्या घटनांचा छडा लागण्यास मदत होणार असून उर्वरित आरोपींच्या अटकेसाठी तपास अधिक तीव्र करण्यात आला आहे.
Author: K P chavan
jin88bet.one ak168app.baby ak168app.club ks168app.site ic88 ic88 ic88 ic88 lr88 lr88 lr88 lr88 op88 si88 88v SEXXXXX-VN
